Skjenkeløyve 2024-2028 - Skagahøgdi Skisenter AS

1) Det innvilgast innan- og utandørs skjenkeløyve for alkoholholdig drikk for gruppe 1-3 i tilknyting til Skagahøgdi Skisenter AS, org.nr. 924753145, på adressa Slalåmvegen 144, 3550 Gol.

2) Skagahøgdi Skisenter AS godkjennast som løyvehavar.

3) Som styrar for løyvet godkjennast Stine Grangård Leikvold f. 21.05.98.

4) Som stedfortreder godkjennast Gudrun Grue Roe f. 13.10.73.

5) Innandørs løyve gjeld for eit areal på 250 kvadratmeter, med plass til 150 gjestar.

6) Utandørs løyve gjeld for eit areal på 470 kvadratmeter, med plass til 250 gjestar. Utandørs skjenkeområde må være tydeleg avgrensa.

7) Løyvet gis innanfor kommunens skjenketid fastsett i forskrift. For alkoholholdig drikk gruppe 1-2 er skjenketida 10:00-18:00, for alkoholholdig drikk gruppe 3, er skjenketida 13:00-18:00.

8) Ved større arrangement kan det stillast vilkår om bruk av vakthold og utarbeiding av risikoanalyse.

9) Det er forutsett at lokala/areala er godkjende av andre offentlege myndigheiter og/eller grunneigar for den planlagde bruka.

10) Løyvet innvilgast for kommande løyveperiode, dvs. frå 01.10.2024 tom. 30.09.2028.

Kommunestyret har behandla sak 57/2024 i møte den 10.09.2024

Saksordførar: Leif Norhaug.

Kari Anita Brenna (SP) hadde ordet og fremja felles forslag frå SP og SV om å endre skjenketid for alkoholhaldig drikk gruppe 3 til 16:00-18:00 i punkt 7.

Omforeint framlegg om å stryke før løyve gis i punkt 8.

Pkt. 1-6 samrøystes vedteke.

Pkt. 7 endre skjenketid - framlegget fekk 5 røyster (SP og SV) og fell.

Pkt. 8 stryke før løyve gis - samrøystes vedteke.

Pkt. 8-10 samrøystes vedteke.