Skjenkeløyve 2024-2028 - Hos Josefine

1) Det innvilgast innan- og utandørs skjenkeløyve for alkoholholdig drikk for gruppe 1-3 i tilknyting til Hos Josefine AS, org.nr. 982500672, på adressa Sentrumsvegen 96, 3550 Gol

2) Hos Josefine AS godkjennast som løyvehavar.

3) Som styrar for løyvet godkjennast Anita Gjengedal f. 20.07.70.

4) Som stedfortreder godkjennast Janne Navrud f. 18.08.71.

5) Innandørs løyve gjeld for eit areal på 70 kvadratmeter, med plass til 50 gjestar.

6) Utandørs løyve gjeld for eit areal på 100 kvadratmeter, med plass til 70 gjestar. Utandørs skjenkeområde må være tydeleg avgrensa.

7) Løyvet gis innanfor kommunens skjenketid fastsett i forskrift. For alkoholholdig drikk gruppe 1-2 er skjenketida mandag-torsdag: 10:00-17:00, fredag-lørdag: 10:00-20:00, og søndag/helligdag: 13:00-18:00. For alkoholholdig drikk gruppe 3, er skjenketida mandag-torsdag: 13:00-17:00, fredag-lørdag: 13:00-20:00, og søndag/helligdag: 13:00-18:00.

8) Ved større arrangement kan det stillast vilkår om bruk av vakthold og utarbeiding av risikoanalyse.

9) Det er forutsett at lokala/areala er godkjende av andre offentlege myndigheiter og/eller grunneigar for den planlagde bruka.

10) Løyvet innvilgast for kommande løyveperiode, dvs. frå 01.10.2024 tom. 30.09.2028.

Kommunestyret har behandla sak 50/2024 i møte den 10.09.2024

Saksordførar: Kari Anita Brenna.

Gunn Ragnhild Stigen (SV), Asle Berg Bråtalien (SP), Trond Arne Johansen (AP), Helge Feet (V), kommunedirektør Hege Mørk, Helge Feet (V) og Asle Berg Bråtalien (SP) hadde ordet.

Kari Anita Brenna fremja felles forslag frå SP og SV om å stryke alkoholhaldig drikk gruppe 3 i punkt 7.

Helge Feet (V) fremja forslag om at det i punkt 1 skulle stå gruppe 1-2 som ein følgje av framlegget om å stryke alkoholhaldig drikk gruppe 3 i punkt 7.

Helge Feet (V) fremja forslag om at det i punkt 8 strykast: før løyve gis.

Pkt. 1 UKL si innstilling vart sett opp mot framlegget til endring til gruppe 1-2. Forslaget om endring til gruppe 1-2 fekk 5 røyster (SP og SV) og fell.

Pkt 2-6 Samrøystes vedteke.

Pkt. 7 Stryke alkoholhaldig drikk gruppe 3. Forslaget fekk 5 røyster (SP og SV) og fell.

Pkt. 8 Stryke: før løyve gis - samrøystes vedteke.

Pkt. 8-10 samrøystes vedteke.