Handlingsprogram og økonomiplan 2024 - 2027, årsbudsjett 2024

1. Handlingsprogram 2024 — 2027 vert vedteke med dei mål og premissar som går fram av handlingsprogramdokumentet.

2. Økonomiplan 2024 — 2027 vert vedteke som retningsgjevande for perioden 2025 — 2027.

3. Årsbudsjett 2024 vert vedteke med følgjande hovudpunkt:

A. Skatt på inntekt og formue blir likna ut i samsvar med dei maksimalsatsar Stortinget vedtek.

B. For eigedomsskatteåret 2024 skal det skrivast ut eigedomsskatt i heile kommunen, jf. Eigedomsskattelova (esktl.) §§ 2 og 3 første ledd bokstav a.

1. For næringseigedomar, kraftverk, vindkraftverk, kraftnettet og anlegg omfatta av særskattereglane for petroleum blir skattesatsen fastsett til 7 0/00 — 7 promille — av takst for eigedomsskatt, med heimel i esktl. §§ 10 — 12.

2. Med heimel i esktl.§ 12 a) blir eigedomsskatten fastsett til 2 0/00 — 2 promille — av takst for eigedomskatt for bustaddelen i eigedomar med sjølvstendige bustaddelar. Med dette meinast bustader for fast busetting og på tomter for fast busetting, fritidsbustader, og dessutan bustadhus på landbrukseigedomar.

3. Takstvedtekter for eigedomsskatt i Gol kommune er vedteke av sakkunnig takstnemnd.

4. Utskriving av eigedomsskatt for skatteåret 2024 er basert på takstar fastsett ved siste alminnelege taksering gjennomført i år 2020.

5. Klage over takstvedtaket og klage over utskrivingsvedtaket vert etter esktl. § 20 avgjort av ei sakkunnig klagenemnd.

6. Med heimel i esktl. §7 fritek kommunestyret eigedomar for eigedomsskatt i retningsliner som er vedteke av sakkunnig nemnd.

7. Eigedomsskatten blir skrive ut i 2 terminar, jf. esktl. § 25 første ledd. Terminforfall er sett til 1. april og 15. september.

C. Driftsbudsjettet for 2024 blir vedteke i samsvar med forskriftsskjema §5-4 første ledd og Bevillingsoversikt § 5-4 annet ledd.

Sum sentrale driftsinntekter -471,524

Sum sentrale utgifter 9,221

Netto driftsramme 400,35

Netto finansutgifter 52,314

Netto resultat -4,816

Sum disponeringar 4,816

Der netto driftsramme til einingane fordelast slik per område

Kommunedirektøren 49,996

UKL - helse, omsorg og sosial 190,033

UKL - oppvekst og kultur 125,459

UNN – kommunal drift 48,329

UNN – selvkost -13,848

Interkommunale samarbeidstiltak 0,381

Sum netto driftsramme 400,35

Det visast til vedlagte budsjettdokument slik desse er presentert i Framsikt. Kommunedirektøren får fullmakt til å overføre midlar frå avsett reserve til lønsoppgjer til dei enkelte tenesteområda når dei kommunale lønsforhandlingane er gjennomført.

D. Investeringsbudsjettet for 2024 blir vedteke i samsvar med løyvingsoversikt investering etter § 5-5 første ledd og løyvingsoversikt investering etter § 5-5 andre ledd.

• Sum investering i varige driftsmidlar 41,90 mill.kr.

• Eigenkapitalinnskot KLP 1,3 mill.kr.

• Investeringane finansierast slik

o Kompensasjon for merverdiavgift 5,92 mill.kr.

o Bruk av lån 37,28 mill.kr.

Kommunedirektøren får fullmakt til å overføre restbeløp på ikkje avslutta investeringsprosjekt (i 2023) til budsjett 2024, dette inkluderar også vedtatt finansiering.

E. Kommunestyret godkjenner ei låneramme for 2024 på inntil 37,28 mill.kr for å finansiere netto løyvingar til nye investeringar. Det visast til vedlagte budsjettdokument slik desse er presentert i Framsikt. Lånet takast opp ved behov i løpet av året i samsvar med framdrift på investeringsprosjekta.

• Låneopptak til nye investeringar innanfor sjølvkostområda skal ha 35-års avdragstid og med flytande rente.

• Låneopptak til mye investeringar utanfor sjølvkostområdet tas opp med 30-års avdragstid og med flytande rente. Kommunedirektøren får fullmakt til å gjennomføre låneopptak og godkjenne lånevilkår innanfor nemnde låneramme.

F. Startlån til videreutlån i 2024. Kommunestyret vedtar å låne kr. 12 000 000,- i Husbanken. Låna skal nyttast til videreutlån i Gol kommune, og i tråd med Husbankens reglar. Kommunedirektøren får fullmakt til å gjennomføre låneopptak i tråd med det løpande behovet i 2024.

G. Godtgjersle til folkevalde for 2024. Fastsettast i samsvar med forskrift om folkevalde sine rettar til godtgjersle og velferdsgodar i Gol kommune vedteke 24.03.2020.

H. Tilskot til politiske parti og grupper som er representert i kommunestyret. For 2024 tildelast det kr. 1.000,- i grunntilskot og kr 1.900 pr. representant.

I. Gebyrreglement, avgifter og satsar for betaling av kommunale tenester. Dersom ikkje anna er fastsett i eigne reglementet, fastsett kommunestyret nye pris- og gebyrsatsar slik desse framkommer i «Gebyrliste» (Framsikt), nye pris/gebyr gjeld frå 01.01.2024, eller slik nye prisar er vist i dokumentet. Kommunedirektøren får fullmakt til å redigere Gol kommune sitt pris- og gebyrreglement i tråd med vedtekne satsar.

J. Kommunedirektøren gjennomgår gjeldande finansreglement og økonomireglement og fremma forslag om endringar for kommunestyret.

Kommunestyret har behandla sak 73/2023 i møte den 12.12.2023

Saksordførar: Christian Ihlen Brunborg.

Desse hadde ordet: Helge Feet (V), Christian Ihlen Brunborg (AP), Asle Berg Bråtalien (SP), Karianne Østro (AP), Jan Kattenberg (V), Christian Ihlen Brunborg (AP), Martha Nistad (AP), Jan Kattenberg (V).

Det vart helde gruppemøte.

Etter gruppemøtet hadde Helge Feet (V)ordet.

Framlegg frå Gol Venstre:

Forslag 1: Egenandel for barn i kulturskolen reduseres med kr.500 og blir dermed kr.2400 for en-til-en undervisning og kr.1700 for gruppeundervisning. Kostnadene for 2024 på kr 50.000 tas fra posten om skilting som dermed reduseres til kr.150.000. Fra 2025 innarbeides satsene inn i budsjettet.

Framlegg frå Gol AP og Gol Høyre

Forslag 1: 30.000,- settes av til en disponibel pott for RÅFU. Finansieres fra ramma til oppvekst og kultur.

Forslag 2: Post med skiltmateriell til arrangement endres fra kr. 200.000,- til kr. 0,-. Administrasjonen går i dialog med styringsgruppa til Landskappleiken for å undersøke behov og aktuelle samarbeidsområder.

Forslag 3: Post om redusert inntekt SFO justeres opp med 200.000,- til opprinnelig beløp. Finansieres mot post skiltmateriell. Kommunestyret ber om å få vedtektene for SFO til revidering i løpet av første kvartal i 2024.

Forslag 4: Post i investeringsbudsjettet på ventilasjon til kjøkken på helsetunet reduseres til 3.000.000,-, fra opprinnelig beløp på 5.000.000,-.

Forslag 5: Post i investeringsbudsjettet på renovering av garderober på samfunnshuset reduseres til 7.500.000,-, fra opprinnelig beløp på 10.000.000,-.

Framlegg frå Gol Senterparti

Forslag 1: Midler til samfunnsplanlegger, kr 380 000,- i 2024, flyttes. Kr 50 000,- flyttes til nytt tiltak panteordning for innlevering av gammel gjerdenetting og piggtråd og kr 330 000,- flyttes til etablering av frivilligsentral for ungdom.

Forslag 2: Foreldrebetaling for barnehage følger statens maksimalsatser.

1. Gol Venstre sitt forslag 1: Fell mot 3 røyster (V og SV).

2. Gol AP og Gol Høyre sitt forslag 1: Samrøystes vedteke.

3. Gol Senterparti sitt forslag 1 sett opp mot formannskapet si innstilling: Formannskapet si innstilling vedteke mot 4 røyster (SP).

4. Gol Senterparti sitt forslag 2 sett opp mot formannskapet sin innstilling: Formannskapet si innstilling vedteke mot 7 røyster (V, SP, FRP).

5. Gol AP og Gol Høyre sitt forslag 2 sett opp mot formannskapet si innstilling. Gol AP og Gol Høyre sitt framlegg samrøystes vedteke.

6. Gol AP og Gol Høyre sitt forslag 3 sett opp mot formannskapet si innstilling. Gol AP og Gol Høyre sitt framlegg samrøystes vedteke.

7. Gol AP og Gol Høyre sitt forslag 4 sett opp mot formannskapet si innstilling. Gol AP og Gol Høyre sitt framlegg samrøystes vedteke.

8. Gol AP og Gol Høyre sitt forslag 5 sett opp mot formannskapet si innstilling. Gol AP og Gol Høyre sitt framlegg samrøystes vedteke.

Til slutt vart det votert over innstilling av budsjettet som heilskap. Samrøystes vedteke.