Vidare finansiering av Teater Vestland jamfør auka husleigekostnader

Innstilling frå fylkesutvalet 23.09.2026

1.Fylkestinget tek til vitende at fylkesdirektøren har gjennomført dialog med Teater Vestland i samsvar med tidlegare vedtak, og utarbeidd ein modell for handtering av husleigekostnadene i perioden 2027-2031.

2.Fylkestinget legg modellen for finansiering av husleigekostnadene til Teater Vestland i perioden 2027-2031 til grunn for vidare handtering av situasjonen. Midlane vert henta frå disposisjonsfond, Sogn og Fjordane teater, balansekonto 2560800020.

3.Fylkestinget gjev delegert mynde til hovudutval for kultur, idrett og inkludering til å løyve tilskot frå disposisjonsfond, Sogn og Fjordane teater, balansekonto 2560800020 etter prinsippa i modellen.

4.Fylkestinget ber fylkesdirektøren om å opprette dialog med kultur- og likestillingsdepartementet om behov for auke i driftstilskotet til Teater Vestland i tråd med dei faktiske husleigekostnadene.

5.Fylkestinget ber fylkesdirektøren opprette dialog med Sunnfjord kommune om eigarane sitt ansvar for den vidare handteringa av husleigekostnadene til Teater Vestland.

6.Fylkestinget skal ha årlege orienteringssaker om status, medrekna utviklinga i disposisjonsfondet og framdrifta i den statlege opptrappinga.