Forskrift om einerettar for drosjetransport i Vestland

Innstilling frå fylkesutvalet 23.09.2026

1. Vestland fylkeskommune vedtar «Forskrift om einerettar for drosjetransport i Vestland fylke»:

Ǥ1

Det kan nyttast einerett for drosjetransport i Vestland fylke i samsvar med yrkestransportlova og tilhøyrande forskrifter. Den geografiske avgrensinga av kvart einerettsområde skal vere fastsett før tildeling av einerett.

§2

Einerett kan berre nyttast dersom det er naudsynt for å sikre eit tilfredsstillande drosjetilbod i enkeltturmarknaden i heile eller deler av fylket.

§3

Tildeling av einerett skal skje etter opne og etterprøvbare prosessar basert på objektive og transparente kriterium. Einerett kan tildelast for ein periode på inntil fem år.

§4

Forskrifta gjeld frå 1. oktober 2026.»

2. Framtidig tildeling av einerett vert lagt fram for hovudutval for samferdsel og mobilitet til orientering.

3. Fylkestinget tek «Strategi for bruk av einerettar i Vestland fylke» til orientering.