Inkludering i fag- og yrkesopplæringa - Vestland fylkeskommune som regional pådrivar

Innstilling frå fylkesutvalet 02.06.2026 1.Fylkestinget slår fast at inkluderande formidlingsprosessar er eit overordna regionalt kompetansepolitisk mål og at ein må syte for å fjerne hindringar som einskilde i dag vert utsette for. 2.Fleire unge må få moglegheit til å fullføre eit yrkesfagleg opplæringsløp gjennom tilpassa opplæring, tett oppfølging og gode overgangar mellom skule og arbeidsliv. Inkluderingsarbeidet må skje i tett samarbeid med lærebedrifter, opplæringskontor, Nav, kommunar og partane i arbeidslivet. 3. Eit inkluderande arbeidsliv og eit godt læringsmiljø i bedrift er avgjerande for å førebyggje fråfall og utanforskap. Fleire lærebedrifter må få støtte og rettleiing til å ta inn lærlingar med behov for tilrettelegging, slik at fleire kan gjennomføre læretida og oppnå fagbrev. Fylkestinget ber fylkesdirektøren syte for at Rettleiingstenestene har dei verktøya dei treng for å gjere overgangane best mogleg, blant anna må prosessen knytt til fullføringsmidlar forenklast. 4. Fylkestinget oppmodar alle lærebedrifter om å prioritere søkjarar med særlege utfordringar til læreplass. Fylkestinget forventar at offentlege lærebedrifter, inkludert kommunane og Vestland fylkeskommune sjølv, går føre og prioriterer søkjarar med særlege utfordringar i formidlingsprosessen. I dei tilfella Vestland fylkeskommune har produksjon i aktuelle fag, skal fylkeskommunen som lærebedrift tilstrebe å tilby ikkje-formidla kvalifiserte søkjarar lærekontrakt framfor alternativ opplæring i skule. 5. Samarbeid om inkludering i fag- og yrkesopplæringa skal vere tema i fylkeskommunen sin dialog med kommunane.