Rullering av handlingsprogram for trafikktrygging i Vestland 2026 - 2029

Innstilling frå fylkesutvalet 23.09.2026

1. Fylkestinget meiner Handlingsprogram for trafikktryggleik i Vestland 2026-2029 er eit godt og viktig verktøy for å arbeide målretta med ulike typar trafikktryggingstiltak i tråd med nasjonale og regionale mål.

2. Fylkestinget er uroa over ulykkesutviklinga i fylket dei siste åra. Fylkestinget ber om at det skal arbeidast særskilt med tiltak retta mot utforkøyringsulykker og ulykker med mjuke trafikantar på fylkesvegnettet i Vestland.

3. Fylkestinget vedtar Handlingsprogram for trafikktrygging i Vestland 2026-2029. Handlingsprogrammet med satsingsområde og tiltak skal bidra til færre omkomne og hardt skadde i vegtrafikken, sikre ei tydeleg kopling til Nasjonal tiltaksplan for trafikksikkerhet på vei 2026 -2029, samt styrke kommunalt og frivillig trafikktryggingsarbeid.

4. Fylkestinget føreset at handlingsprogrammet vert lagt til grunn ved prioritering av midlar avsett til trafikktryggingstiltak. I tråd med arbeidet med Tiltaksplan for reduksjon av utforkøyringsulykker 2025 må det sikrast midlar til gjennomføring av tiltak.