Overgang frå vg2 yrkesfag - handlingsrom, utvikling og moglege tiltak i Vestland

Innstilling frå fylkesutvalet 02.06.2026

1. Fylkestinget tek saka til orientering.

2. Dimensjonering av yrkesfagklassar skal kvart år ta utgangspunkt i dokumentert behov for fagarbeidarar frå opplæringskontora og arbeidslivet i regionen. Der det over tid er systematisk underdekning av læreplassar i eit utdanningsprogram, skal administrasjonen leggje fram forslag om reduksjon i klassetal for det aktuelle programmet.

3. Fylkestinget ber om at det vert utarbeidd ein tiltaksplan for å auke overgangen frå vg2 til læretid, som kan sendast på høyring til aktuelle instansar.

4. Tiltaksplanen skal innehalde moglege tiltak for skular med ein vedvarande høg del elevar som går til vg3 påbygging, med mål om å auke rekrutteringa til lærefaga. Tiltaksplanen skal vidare vurdere strategisk geografisk plassering av vg3 påbygg-tilbod, mellom anna om tilbodet bør reduserast eller flyttast ved skular der søkjartala til påbygg vedvarande er høge og moglegheitene for læreplass er gode, og om distriktsskular bør prioriterast.

5. Tiltaksplanen skal innehalde ei berekna oversikt over kor mange vg3 påbygg-klasser som kan reduserast over tid, kva dette vil bety for driftsrammene, og kva konsekvensar det har for læreplassar og vg4-tilbod. Det skal leggjast til grunn at elevar framleis kan oppnå studiekompetanse gjennom vg4 påbygging etter fullført fagbrev.

6. Høyringsnotatet til tiltaksplanen bør òg innehalde eit kunnskapsgrunnlag med ei oppsummering av relevant forsking og undersøkingar med eigne elevar og tilsette

7. Treårig helsefag med studiekompetanse bør som hovudregel ha eit plasstal på 30. Bakgrunnen er at fleire timar til faget yrkesfagleg fordjuping (YFF) i dette løpet vert brukt til fellesfag eller programfag frå studiespesialisering, og at intensjonen med tilbodet er å rekruttere til høgare utdanning i helsefaga. Fylkesdirektøren får i oppdrag å kartlegge og vurdere dette vidare, mellom anna kva konsekvensar plasstalet har for påbyggtal ved dei aktuelle skulane.