Rom- og funksjonsprogram Måløy vidaregåande skule og Fagskulen Vestland si eining i Måløy

Innstilling til fylkestinget 1.Fylkestinget vedtek vedlagt rom- og funksjonsprogram (RFP) for Måløy vidaregåande skule og Fagskulen si eining i Måløy med eit samla areal på 3228 m2 slik det går fram av saka. Dette inneber i hovudtrekk rehabilitering og ombygging av A-bygget, ei arealutviding knytt til D-bygget saman med ny akvahall.

2.Prosjektet vert gjennomført som to separate totalentreprisar. Den første entreprisen tek føre seg ombygging og utbygging av bygg D og ein ny akvahall, medan den andre entreprisen tek føre seg rehabilitering og ombygging av bygg A.

3. Fylkestinget viser til uttalen frå fagskulestyret og ber om at det vert jobba vidare med å imøtekomme fagskulen sine behov. I denne prosessen er det er viktig å sikre ei god involvering av fagskulen.

4. Fylkestinget ber om at medverknadsorganet Rådet for menneske med nedsett funksjonsevne, og/eller samarbeidet med brukarrepresentantar frå vert trekt inn i arbeidet.