Møte- og talerett i folkevalde organ for representantar for dei tilsette

Innstilling til fylkestinget

1. Fylkestinget vedtek følgjande retningsliner for møte- og talerett til representantar for dei tilsette i folkevalde organ:

Inntil to representantar for dei tilsette (hovudtillitsvalde) har møte- og talerett i folkevalde organ når desse organa behandlar saker som gjeld høve mellom dei tilsette og fylkeskommunen som arbeidsgjevar. Frå dette utgangspunkt gjeld unntak og presiseringar som følgjer av kommunelova § 13-4.

Ved ønske om å nytte møte- og taleretten, må e-post om dette sendast til politisk@vlfk.no seinast to dagar før det aktuelle møte. I e-posten må gå fram kva møte og sak det gjeld, samt kven som stiller i møtet.

Taleretten gjeld i utgangspunktet for eitt innlegg, og hovudtillitsvalde har ikkje høve til å delta i det politiske ordskiftet ut over dette. Møteleiar fastset taletida.

Hovudtillitsvalde som nyttar seg av møte- og taleretten, tek sete på sida av organet sitt bordoppsett eller (i Vestlandssalen) på galleriet.

2. Retningslinene vert innarbeidd i Reglement for folkevalde organ og delegering i reglement for saksbehandling.