Eigarskapskontroll - infrastruktur og kollektivtransportselskap i Vestland fylkeskommune.

Saksprotokoll frå kontrollutvalet 13.10.2025

1.Fylkestinget viser til tilrådingane i rapporten Eigarskapskontroll infrastruktur og kollektivtransportselskap og ber fylkesdirektør legge til rette for gjennomføring av tilrådingane i rapporten herunder: ‎

2.Følgjer opp selskapa, gjennom eigarorgana, når det gjeld:

a)vedtektsfesting av innkallingsfrist til generalforsamling og bruk av valkomité ved styreval,

b)utarbeiding av rutinar/retningsliner for valkomiteen sitt arbeid, og skriftlege grunngjevingar av valkomiteen sine nominasjonar av styremedlemmar. ‎

3.Utarbeider felles eigarskapsstrategiar i dei selskapa fylkeskommunen eig saman med andre kommunar/fylkeskommunar.

4.Sikrar at det blir gjennomført generalforsamling i alle infrastruktur- og kollektivtransportselskapa, jf. krav i aksjelova.

5.Vurdere om og ev. i kva grad det bør gjennomførast fleire/meir regulære eigarmøte enn i dag med fleire av infrastruktur- og kollektivtransportselskapa.

6.Vurdere å gjennomføre ei konkret vurdering av kva grad/nivå av oppfølging og kontroll fylkeskommunen skal ha ovanfor dei ulike selskapa innanfor infrastruktur- og kollektivtransportsegmentet.

7.Sørge for at det blir gjennomført tilstrekkeleg opplæring av folkevalde i eigarrolla, i samsvar med tilråding fra KS og føringar i eigarskapsmeldinga.

8.Sikre at krav til balansert kjønnsrepresentasjon i styra blir ivareteke for alle infrastruktur- og kollektivtransportselskapa.

9.Fylkestinget ber fylkesdirektør lage ein handlingsplan til kontrollutvalet innan 20. januar 2026 som seier kva tiltak ein vil gjennomføra for å følgje opp tilrådingane i rapporten, kven som har ansvaret for oppfølginga og når tilrådingane vert gjennomført.

10. Kontrollutvalet ber om at Deloitte AS får eit kvarter til å presentere saka for fylkestinget.