Vestlandsporteføljen - konkretisering og finansiering av nytt treårig prosjekt under Grøn region Vestland

Saksprotokoll frå fylkesutvalet 25.11.2025

1. Fylkestinget støttar opp under ambisjonen om ein samordna innsats for grøn omstilling av næringslivet i Vestland i tråd med måla i Utviklingsplanen for Vestland 2024 – 2028. Dei grøne hubbane i Vestlandsporteføljen skal framleis vere motoren i dette arbeidet.

2. Fylkestinget gjev si tilslutning til innrettinga av det 3-årige prosjektet Vestlandsporteføljen under Grøn region Vestland

3. Fylkestinget erkjenner at eventuelle vidare tilskot til «hubbane» ikkje er finansiert, og ber fylkesdirektøren komen tilbake med sak knytt til ein ambisjon om å løyve ekstra midlar som kan bidra til a) å finansiere drift av eksisterande hubbar saman med private eller andre offentlege aktørar i ein overgangsperiode og b) å få opp nye hubbar for store utsleppspunkt og industriområde som ikkje har vore ein del av Vestlandsporteføljen fram til i dag. Fylkestinget forventar at ein sikrar eit sterkt og forpliktande engasjement frå næringsliv og industri for å få realisert prosjekta. Og at dette vert synleggjort i saka.