Moglegheitsstudie Samlingssentrum Vestland - status og avklaringar for framdrift

Innstilling til fylkestinget

1. Vestland fylkeskommune tek på seg å vere byggherre for prosjektet Samlingssentrum Vestland. Eigarskap til bygget må avklarast i vidare dialog med Bergen kommune.

2. Tomta på Haukås er vurdert som eigna og vidare arbeid baserer seg på dette tomtevalet.

3. Endelege bygningskrav og rom- og funksjonsprogram vert utarbeida av Vestland fylkeskommune i dialog med brukarane. Finansiering av dette arbeidet, som er kostnadsberekna til om lag 2-3 millionar kr, blir forskottert av Vestland fylkeskommune under investeringsposten Planmidlar bygg og eigedom.

4. Parallelt med utarbeiding av rom- og funksjonsprogrammet, så må driftsansvar, driftskostnader og kostnadsdekning avklarast gjennom avtalar. Avklaringa kan ta utgangspunkt i modellen for det eksisterande fellesmagasinet i Salhus, der Bevaringstenestene ved Museumssenteret i Hordaland står for dagleg drift.

5. Det vert lagt til grunn ei tredeling av kostnadane mellom staten, Vestland fylkeskommune og Bergen kommune i det vidare arbeidet. Det må etablerast ein avtale med Bergen kommune knytt til finansieringa, og det blir søkt om statleg finansiering gjennom ordninga for Nasjonale kulturbygg.

6. Det vert å kome tilbake til bygge- og driftskostnader for fylkeskommunen i sak om godkjenning av rom- og funksjonsprogram. Vidareføring av prosjektet etter vedteke rom- og funksjonsprogram føreset avklart finansiering av byggekostnader og driftskostnader.