Strategi for auka rekruttering til helse- og velferdsyrka etter høyringsinnspel

Saksprotokoll frå fylkesutvalet 25.11.2025

1. Fylkestinget vedtek strategi for auka rekruttering til helse- og velferdsyrka

2. Strategien med kunnskapsgrunnlag og strategipunkta blir tatt med i arbeidet med regionale planar

3. Tiltak som er foreslått i høyringsinnspela blir tatt med vidare i arbeidet med handlingsplan og årsplan i regionalt planarbeid

4. Det har over år vore eitt høgt tal elevar som vel påbygg 3. året innan helse og oppvekstfaga. Førre skuleår gjekk 42 prosent av elevane direkte over til påbygg, medan berre 34,1 prosent av elevane gjekk ut i lære. Fylkestinget synest denne utviklinga er lite berekraftig med tanke på å utdanne framtidig helsepersonell. Kommunane og helseføretaka må stille opp for at fleire helsefagelevar kjem ut i lære, mellom anna gjennom god rådgjeving tidleg i skuleløpet og i ungdomsskulen. Det bør leggjast betre til rette for at elevar vel lære og fagbrev framfor vg3 påbygg, og det må setjast i verk målretta tiltak som reduserer omfanget av overgang til vg3 påbygg i staden for å gå ut i lære. Dei som likevel ikkje skal ut i lære bør få råd om å velje studieførebuande utdanningsprogram.

5. Fylkestinget ber om at det blir arbeida vidare med å opprette y-vegen fra helsefag til høgare utdanning innan helse.

6. Utdanning på fagskulenivå innanfor helsefaga må løftast fram som eit attraktivt karriere- og utdanningsval for helsefagarbeidarar.