Gjennomføring av styreval i selskap

1. Vestland fylkeskommune meiner at bruk av valnemnd i verksemder er god eigarstyring og bidreg til å sikre gode styrer i verksemdene, i tråd med eigarskapsmeldinga. Fylkestinget vedtek anten forslag til styremedlem («medlemsforslag»/«kandidat») eller peiker ut styremedlem direkte.

Forslag til styremedlem («medlemsforslag»/«kandidat») må sjåast på som eit vektig innspel til verksemda si valnemnd. Fylkeskommunen si representant er ikkje bunden til å røyste for forslaget frå fylkestinget, men må ta ei konkret vurdering på den einskilde generalforsamling.

Vedtek fylkestinget direkte nominering til styremedlem, vil representanten i generalforsamlinga bli bunden av fylkestinget sitt vedtak.

2. Fylkesdirektøren skal i samband med Eigarskapsmeldinga 2025 søkje å tydeleggjere kva selskap fylkeskommunen bør vere representert i styret, og om det ved val til styret er føremålsteneelg med direkte nominering frå fylkestinget eller bruk av valkomité.