Skriftlege spørsmål til folkevalde organ i Vestland fylkeskommune

1. Skriftlege spørsmål skal meldast seinast kl. 09:00 fem yrkedagar før møtet i organet.

2. Det er ikkje høve til å stille skriftlege spørsmål om saker som står på sakskartet. Dette skal gjelde tilsvarande for reglement for fylkestinget punkt 3.2.

3. Det er ikkje høve til å stille skriftlege spørsmål til ekstramøte i organet.

4. Omfang, kompleksitet og kvalitet i svar på skriftlege spørsmål vert svart ut med den tid som er til rådigheit samt tilgjengelege ressursar.

5. Fylkesdirektøren skal sørge for at svar på spørsmål vert sendt ut i god tid før møte, og seinast ein time før møtestart.

6. Medlem av hovudutvala, fylkesutval og fylkesting kan etter at frist for å sende inn skriftlege spørsmål er gått ut, varsle munnleg spørsmål på e-post politisk sekretariat (politisk@vlfk.no) slik at administrasjon er førebudd på at munnleg spørsmål vil bli stilt i møte. Munnlege svar må avgrensast opp mot den tid som er til rådigheit for administrasjonen, og det kan ikkje bli forventa same ressursbruk som ved eit skriftleg spørsmål.