Samlingssentrum - høyringssvar

Møteprotokoll i fylkesutvalet 05.03.2025

1. Fylkestinget tek innkomne svar frå høyringa av samlingssentrum/nytt fellesmagasin til vitende, og ser det som naturleg at Vestland fylkeskommune tek på seg ansvar for å leie den vidare prosessen med eit nytt fellesmagasin og samlingssentrum. Dette inneber å avklare lokalisering, og vurdere modellar for drift, eigarskap og byggherreansvar.

2. Fylkestinget ber om at fylkesdirektøren greier ut om den fylkeskommunalt eigde tomta på Haukås kan nyttast. Dersom den ikkje er eigna, ber fylkestinget om at fylkesdirektøren, i samråd med Bergen kommune, går vidare med å finne ei anna høveleg tomt,.

3. Vestland fylkeskommune føreset at Bergen kommune er samarbeidspart og bidragsytar for å få realisert tiltaket.

4. Vestland fylkeskommune går i dialog med Kultur- og likestillingsdepartementet for å avklare medfinansiering gjennom ordninga nasjonale kulturbygg.

5. Fylkestinget ber om at fylkesdirektøren set ned arbeidsgruppe med representantar frå Vestland fylkeskommune, Bergen kommune, Bevaringstenestene/Museumssenteret i Hordaland og dei andre musea. Arbeidsgruppa vert ansvarleg for å planlegge arbeidet vidare, og sjå til framdrift i prosjektet.