Optimalisering av vedtekne reguleringsplanar

Møteprotokoll i fylkesutvalet 05.03.2025

1. Fylkestinget registrerer at det vert eit avgrensa økonomisk handlingsrom for realisering av prioriterte vegutbetringar i åra frametter. Krav til klima og miljø tilseier også at det er behov for å redusere arealbeslaget av nye vegtiltak. Reguleringsplanar som er aktuelle for realisering, må gjennomgåast med sikte på avklare om det er grunnlag for optimalisering med sikte på å kunne få meir for pengane og å redusere arealbeslaget. Samtidig må det sikrast at måloppnåinga i prosjekta ikkje blir svekka i vesentleg grad, og at livsløpskostnadene ikkje vert auka.

2. Det skal i vurderinga av kva for prosjekt som skal optimaliserast leggjast særleg vekt på at prosjekta har god måloppnåing, at det er eit potensiale for å redusere kostnader og arealbeslag, samt at det er realistisk å kunne få finansiert prosjektet i nær framtid.

3. Fylkestinget ber om at følgjande tiltak vert prioritert for optimalisering i første omgang:

a. For fv. 560 Hammersland-Eide i Øygarden kommune skal det leggjast til grunn H1 standard. Andre kostnadssparande tiltak som å erstatte bru med kulvert skal også vurderast.

b. Fv. 566 Vesetgjelet i Osterøy kommune skal optimaliserast med sikte på å betre trafikktryggleiken på strekninga.

4. Fylkestinget kjem tilbake til vidare prioritering av prosjekt for optimalisering i samband med rullering av RTP Investeringar i juni 2025.