Søknad om omdisponering av tilskot - publikumsbygg Gamle Bergen Museum

Saksprotokoll i Fylkesutvalet - 05.03.2025

1.Fylkestinget godkjenner Bymuseet i Bergen sin søknad om omdisponering av tidlegare løyvd tilskot frå fylkeskommunen til nytt publikumsbygg ved Gamle Bergen Museum, noko som inneber ei nedskalering av prosjektet. Tilskotet kan nyttast til publikumsfunksjonar i eksisterande bygningsmasse ved Gamle Bergen Museum.

2. Godkjenninga gjeld tidlegare tildelte tilskot, frå tidlegare Hordaland fylkeskommune og noverande Vestland fylkeskommune.

3. Godkjenninga blir gjort med atterhald om at dei andre finansieringspartane også godkjenner omdisponering av tildelte midlar og nedskalert prosjekt.

4. Bymuseet i Bergen skal rapportere på bruken av tilskot løyvd av Vestland fylkeskommune og Hordaland fylkeskommune til tiltaket innan 31.12.2026.