Forvaltningsrevisjon av fagopplæring og lærlingeordninga - Revisjonsrapport

På bakgrunn av gjennomført forvaltningsrevisjon av fagopplæring og lærlingeordninga i Vestland fylkeskommune ber fylkestinget fylkesdirektøren syta for å: 1. Sikra at ansvars- og rolledelinga internt i fylkeskommunen knytt til fagopplæring og lærlingeordninga blir kommunisert tydeleg ut til relevante samarbeidspartar. 2. Sørgja for at det blir etablert ein fast struktur for kvalitetsdialogen med opplæringskontor/samarbeidsorgan, slik at ein sikrar systematikk og føreseielegheit i desse prosessane. 3. Sikra at rutinen for godkjenning av lærebedrifter tydeleggjer ansvar og roller i godkjenningsprosessen, under dette sikrar at krav i opplæringslova blir ivareteke når det gjeld yrkesopplæringsnemnda si rolle. 4. Sikra at informasjon og rutinar som er relevante for fagopplæring og lærlingordninga snarast blir oppdaterte i samsvar med ny opplæringslov (til dømes rutinar for godkjenning av opplæringskontor og informasjon om individuell tilrettelegging). 5. Vurdera å iverksette tiltak for auka systematisering av arbeidet med å ivareta retten til rådgjeving generelt og å sikre relevant rådgjeving og informasjon til dei som skal ut i lære spesielt, slik at ein reduserer risikoen for at elevar ikkje får det tilbodet om rådgjeving og informasjon som dei treng. 6. Vurdera å etablere ytterlegare system for å leggje til rette for erfaringsdeling og læring på tvers av skulane når det gjeld arbeidet med elevar som har utfordringar med å få læreplass. 7. Laga ein prioritert handlingsplan til kontrollutvalet innan 17.02.2025 som viser kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga.