Takstar for lokalbåt internt i Høyanger kommune

Saksprotokoll i fylkesutvalet - 25.11.2024: 1. Fylkestinget viser til tidlegare vedtak i fylkestinget (45/22) og held fast på det: «Når det gjeld bilførande hurtigbåtar vil gratis bil gje store kapasitetsmessige utfordringar. Fylkestinget vil ikkje på noverande tidspunkt innlemme dei i ordninga. Men vi vil innføre, frå same dag som for resten av ordninga, at båtane kjem inn i sonebillett-systemet. For dei samfunna som ikkje vil få reell takstnedgang på grunn av soneinndelinga, vil ein halvere dagens takst for passasjerar Dette gjeld Kaupanger-Frønningen • Vik-Ortnevik • Ortnevik-Måren-Nordeide • Florabassenget • Eidsvik-Espevær». 2. Fram til ein eventuell gjennomgang av sonesystemet, der Høyanger Sørside kjem inn i same sone som Høyanger nordside, blir prisen på enkelbillett vidareført med halv sonebillett for passasjer. For bil betaler ein ferjetakst. Det same gjeld for dei andre båtane i punkt 1 (med unntak av Frønningen og Florabassenget) som eigentleg skulle vere inn under ordninga gratisferje. For Florabassenget gjeld vanleg sonebillett, då dei kan nytte den vidare på buss til td Førde.