Tiltak for å fremje rekruttering til restaurant- og matfag og vestlandske matprodusentar og mattradisjonar

Saksprotokoll i fylkesutvalet - 25.11.2024: 1. Rekrutteringstiltak og samarbeid med mat og måltidsbransjen vert vidareført innan hovudtema: •Karriererettleiing og rådgjeving •Dimensjonering av opplæringstilbodet •Yrkesfagleg fordjuping (YFF) og samarbeid med næringslivet •Erfaringsdeling og samarbeid 2. Fylkesdirektøren legg fram forslag til tiltak for å fremje næringsutvikling i landbruket gjennom årsplanar knytt til Temaplan landbruk. 3. Fylkestinget ynskjer at «Matfylket Vestland» vert etablert som ei tydeleg merkevare i tett samarbeid med den regionale mat- og måltidsbransjen og andre regionale aktørar innan fagfeltet. Fylkestinget ber om at omgrepet «Matfylket Vestland» vert nytta aktivt i samanhengar der det er naturleg. 4. Fagskulen Vestland tilbyr fleire grøne og gastronomiske utdanningar, mellom anna handverksysting, pommelierutdanning og lokal matkultur. Fylkestinget meiner desse utdanningane er viktige for å fremje vestlandske produsentar og mattradisjonar og naturleg høyrer med i strategien for å etablere merkevara «Matfylket Vestland».