Handlingsprogram for trafikktrygging i Vestland 2022-2025. Rapportering på status midtveges i planperioden.

Saksprotokoll i fylkesutvalet - 22.10.2024: 1. Fylkestinget ser Handlingsprogram for trafikktrygging i Vestland 2022-2025 som eit godt verktøy som set mål og retning for eit breitt og systematisk trafikktryggingsarbeid i fylket. 2. Fylkestinget vil understreka betydinga av at trafikktryggingsarbeidet har prioritet og vilkår som gjer fylkeskommunen i stand til ei aktiv utøving av vårt ansvar for trafikktryggleiken i Vestland. 3. Fylkestinget er uroa over at ulykkesutviklinga peikar i motsett retning av ambisjonane for reduksjonar i omkomne og hardt skadde i vegtrafikken. Det er viktig at fylkeskommunen målretta nyttar dei verkemidla me har tilgjengeleg mot dei viktigaste utfordringane i trafikktryggingsarbeidet. 4. Fylkestinget ber om at tiltak med inspeksjonar langs prioriterte vegstrekningar med mål om å forhindra alvorlege utforkøyringsulykker, inkludert MC-ulykker, vert sett i verk.