Justering av garantien for prosjektet E39 Svegatjørn-Rådal

1. Vestland fylkeskommune garanterer ved sjølvskuldnarkausjon for eit maksimalt låneopptak for Ferde AS, avgrensa til 3 175 mill. kr, for lån til delfinansiering av bompengeprosjektet E39 Svegatjørn - Rådal. 2. Garantibeløpet gjeld med tillegg av 10 pst. av til ei kvar tid gjeldande hovudstol til dekking av eventuelle påkomne renter og omkostningar. Det samla garantibeløpet blir følgjeleg 3 493 mill. kr. 3. Garantien omfattar også inngåtte sikringsavtalar knytt til prosjektet si lånefinansiering. 4. Vestland fylkeskommune har rett til å sikra garantiane med 1. prioritets pant i Ferde AS sin rett til å innkrevja bompengar i prosjektet E39 Svegatjørn – Rådal, med tillegg av 10 pst. av til ei kvar tid gjeldande hovudstol til dekking av eventuelle renter og omkostningar. 5. Garantien gjeld frå første opptrekk på finansieringa til utgangen av 2038. I tillegg skal garantien gjelda inntil to år, jf. garantiføresegna § 3. 6. Vestland fylkeskommune sitt garantiansvar vert redusert i takt med den faktiske nedbetalinga av Ferde si gjeld i prosjektet E39 Svegatjørn – Rådal. 7. Garantien vert gjeve under føresetnad av Kommunal- og distriktsdepartementet si godkjenning etter kommunelova § 14-19 første ledd.