Skiping av nytt Beredt-selskap - handsaming av vedtekter og kapitalinnskot

1. Vestland fylkeskommune vedtek det vedlagte utkastet til vedtekter for selskapet og opprettar selskapet Beredt Inkludering AS med følgjande føremål: «Beredt Inkludering AS skal danne grunnlag for høyere deltagelse i utdannings- og arbeidslivet gjennom å tilby arbeidsmarkedstjenester overfor, og i nært samarbeid med offentlig- og privat næringsliv, herunder karriereveiledning og ekspertbistand. Selskapet kan også yte tjenester for folk som av ulike grunner står utenfor arbeidslivet og for arbeidsgivere som trenger bistand for å holde folk i arbeid. Selskapet skal yte administrative tjenester til Beredt AS». Fylkeskommunen sitt mål med skipinga er å nytte selskapet som eit verktøy i arbeidet for å nå samfunnspolitiske mål innan samfunnsutvikling. Selskapet skal ikkje dele ut utbyte til eigar. 2. Vestland fylkeskommune skyt inn 30 000 kr i aksjekapital og 970 000 kr i startkapital i selskapet – til saman 1 mill. kr. Midlane vert henta frå fylkeskommunen sitt disposisjonsfond. 3. Fylkeskommunen opprettar selskapet med eit langsiktig perspektiv i tankane. Eigarskapet skal følgjast opp i tråd med fylkeskommunen sitt system for eigarskapsforvaltning og fylkeskommunen sin eigarskapspolitikk. Dette inneber å ta stilling til eigarskapet årleg i samband med framlegging av eigarskapsmeldinga del II (rapportering) for fylkestinget.