Finansiering av ferjeavløysingsprosjekt

1. Ferjeavløysingsprosjekt er i utgangspunktet ei gunstig ordning, der fylkeskommunen får statleg finansiering for å avløyse ferjesamband, og utvikle tettare bu- og arbeidsregionar. Det er likevel eit problem at fylkeskommunen ber den økonomiske risikoen for ferjeavløysingsprosjekt, om dei skal overskride summen fylkeskommunen får gjennom ordninga. Fylkestinget ber fylkesdirektøren om å få utgreia effektane av ulike forbetringar av ferjeavløysingsordninga som kan redusere den økonomiske belastninga og risikoen for fylkeskommunen. Dette bør gjerast i samarbeid med aktuelle kommunar, og gjennom allereie etablerte arbeidsgrupper. 2.Fylkestinget ber departementet gjere rentekompensasjonsordninga om til ei varig ordning utan krav om ferdigstilling innan 2027. Vidare ber fylkestinget om ei auke i den årlege ramma til rentekompensasjon tilstrekkeleg høg til at fleire ferjeavløysingsprosjekt i Noreg kan nytte ordninga parallelt. 3.Fylkestinget vil vurdere Atløysambandet og Masfjordsambandet i den samla prioriteringa av investeringsprosjekt i Vestland i budsjett 2025/økonomiplan 2025-2036.