Vestland fylkeskommune sin medverknad til tidlegfasefond i Vestland

1.Vestland fylkeskommune ser det som viktig at oppstartsbedrifter i heile Vestland har god tilgang på tidlegfasekapital. 2.Vestland fylkeskommune meiner at fleire lokalt forankra tidlegfasefond i Vestland er ein eigna måte å gi oppstartsbedrifter tilgang på tidlegfasekapital. 3.Vestland fylkeskommune kan medverke til lokale tidlegfasefond der marknaden aleine ikkje kan tilby tidlegfasefond. Medverknad skal skje i trå med gjeldande eigarstrategi og andre styringsdokument for fylkeskommunen. 4.Vestland fylkeskommune løyver kr 1 800 000 til utvikling av tidlegfasefond etter søknad frå Tidligfasekapital Vestland Mngmt AS. Løyvinga vert finansiert frå disposisjonsfond NPI - Utviklingsmidlar kr 1 400 000, og 400 000 kr frå disposisjonsfondet «NPI – Korona – ekstern støtte». Det blir tatt atterhald om at løyvinga kan bli gjort i tråd med statstøtteregelverket 5.Eventuell investering i tidlegfasefond vert å kome attende til i samband med budsjett 2025 og økonomiplan. Fylkestinget set som vilkår at Vestland fylkeskommune sin kapital ikkje utgjer meir enn halvparten av fondet. Fylkestinget tek atterhald om at aksjonæravtalen er i samsvar med styrande dokument for Vestland fylkeskommune og reglementet for folkevalde organ og delegering. Fylkestinget ønskjer at Vestland fylkeskommune skal vere representert i fondet sitt styre.