Oppfølging av arkivtilsyn i Hordaland fylkeskommune 2018

1. Fylkestinget vedtek å følgje opp tilsynet i samsvar med plan skissert av Vestland fylkeskommune i brev til Arkivverket 07.02.2024 (vedlegg 4), som er delt opp i tre fasar. - 2024-2026: Ferdigstilling av arkiv for avlevering til depot med plan for vidare ordningsarbeid - 2026-2031: Oppfølging av plan, der prioriterte arkiv vert handtert først. - 2031-2048: Oppfølging av plan for dei resterande arkiva. 2. Fylkestinget viser til at tilsynet frå Arkivverket medfører auka kostnadar i 2024 på kr 931 800, og vil kome attende til finansiering av summen i sak om godkjenning av rekneskapen for 2023. Planlagd auke i kostnadar for perioden 2026-2048, estimert til å utgjere totalt kr 22 310 697, vert å innarbeide i årsbudsjett og økonomiplan i den nemnde perioden. 3. Avviket mellom Arkivverket sine fristar og fristane skissert i framdriftsplanen, vert registrert i fylkeskommunen sitt system for internkontroll, som eit avvik. 4. Dei vidaregåande skulane får frist for ferdigstilling til depot innan 20.07.2027.