Moglege løysingar for avvikling av eigarskapen i Gulen og Masfjorden utvikling AS

1. Vestland fylkeskommune tilbyr sal til dei andre eigarane til pålydande verdi av aksjane / ber om nedsetting av eigenkapitalen og attendebetaling tilsvarande pålydande verdi av aksjane (om lag 1,65 mill. kr). Salssummen/midlane fylkeskommunen får attende skal i så fall setjast av til ubundne fond. 2. Som eit alternativ til punkt 1, tilbyr fylkeskommunen sal/nedsetting tilsvarande det fylkeskommunen har skote inn i selskapet, minus tilskot til kai, (om lag 2,37 mill. kr). Alternativet føreset at dei frigjorte midlane vert tilført kommunane sine næringsfond som rammeløyvingar fylkeskommunen knyter føremålstenlege og nødvendige føringar til. a. Fylkesdirektøren får fullmakt til å utarbeide føringar/vilkår for løyvingane, i tillegg til dei føringane som allereie ligg i fonda, slik at dei på best mogleg vis legg til rette for gjennomføring av fylkeskommunen sin næringspolitikk og helst kan fungere som eit supplement til andre eksisterande økonomiske verkemiddel i området, og er i tråd med rettslege rammer. 3. Fylkesdirektøren får fullmakt til å gå i dialog med dei to eigarkommunane om dei alternative løysingane.