Roller, styring og utvikling av Fagskulen Vestland

Saksprotokoll i Fylkesutvalet - 05.06.2024 1.Fagskulen er eit viktig verkemiddel for å sikre Vestland Fylke riktig kompetanse då fagskulen har evne til å snu seg raskt i tråd med utviklinga i arbeidsmarknaden For å utvikle fagskulen Vestland og utvikla Vestland fylkeskommune som opplæringsaktør skal fagskulen ha ei sterkare rolle i overordna fylkeskommunale styringsdokument, som td utvikingsplanen og strategi for kompetanse i Vestland fylkeskommune. 2. Følgjande endringar vert gjennomført for å styrke koplinga mellom Vestland fylkeskommune som eigar og Fagskulen Vestland: a. Fagskulen leverer ein gang i halvåret status- eller orienteringssaker til hovudutval for opplæring og kompetanse, og hovudutval for næring. b. Fylkeskommunen, ved hovudutval for opplæring og kompetanse, og hovudutval næring, vert involvert i fagskulen sin prosess med strategiarbeid. c. Det vert innført årlege eigarmøte, der fylkesdirektør og fylkesordførar møter rektor og styreleiar Fagskulen Vestland. d. Både direktør for næring og opplæringsdirektør skal gå inn i styret.