Fartsgrenser i sentrumsområde

Saksprotokoll i Fylkesutvalet - 05.06.2024 1. Fylkestinget meiner tiltak for å redusera risiko for alvorlege ulykker med mjuke trafikantar er avgjerande for å få fleire til å gå og sykla meir i kvardagen. Redusert fart i sentrumsområda er eit viktig tiltak som gir tryggare ferdsel for dei mjuke trafikantane og bidrar til meir attraktive stader. 2. Fylkestinget legg vekt på at omfordeling av gateareal i by- og tettstadsområde med høgt potensiale for mange gåande og syklande bør skje til fordel for dei mjuke trafikantane, samstundes som behova til kollektivtrafikken vert sikra. 3. Fylkestinget ber fylkesdirektøren ta initiativ overfor Statens vegvesen og aktuelle kommunar for å sjå på tiltak som reduserer fartsnivå og gir auka attraktivitet for mjuke trafikantar i sentrumsområde i byar og større tettstader i Vestland fylke. 4. Fylkestinget ynskjer å søke departementet om etablering av ei forsøksordning for generell fartsgrense 30 km/t i eit byområde i Vestland fylke, og ber fylkesdirektøren jobbe fram ein slik søknad i samarbeid med aktuelt byområde. 5. Fylkestinget ber fylkesdirektøren legge fram sak om korleis fartsgrenser generelt, også utanfor tettbygde strøk og byer, kan nyttast som eit aktivt trafikksikringstiltak