Open skule og utlån til frivillig sektor ved vidaregåande skular i Vestland

Saksprotokoll i Fylkesutvalet - 05.06.2024 1. Vestland fylkeskommune legg framleis gratisprinsippet til grunn for utlån av fylkeskommunale bygg og eigendom for born og ungdom under 20 år. Denne gruppa skal vera prioritert ved utlån. 2. Grunnmodellen for administrasjon og fordeling av tid og bruk skal vere samarbeid med vertskommune. Fylkestinget ber fylkesdirektøren komme attende med sak som samla syner kva for samarbeid og samarbeidsmodellar som er nytta, og kva for modellar ein kan byggje vidare på. Dette kan både vere modellar kor skulane samarbeide direkte med lokalsamfunna sine eller modellar med samarbeid på administrativt nivå. Det er ikkje eit mål med ein felles modell for heile fylket. 3. Fylkesdirektør skal legge til rette for effektiv ressursutnytting mellom ordningane for open skule for elevar og utlån til frivillige organisasjonar 4. Pilotprosjektet ved Voss Gymnas og Voss vidaregåande skule blir vidareført i skuleåret 2024-2025. Fylkestinget set evt av 1 mill. kr til prosjektet ved å nytte midlar frå mindreforbruk 2023. 5. Fylkestinget vil komme tilbake til vidare finansiering av open skule og utlån til frivillig sektor i samband med budsjettvedtak 2025