Eigarskapsmeldinga 2024 - Del I

Fylkestinget vedtek Eigarskapsmelding for Vestland fylkeskommune 2024 slik den føreligg, men med følgjande endringar/tillegg på bakgrunn av høyringsinnspel: Under punkt 2.3 om generelle forventningar: •har ei medviten haldning til rekruttering av personar med ulik type minoritetsbakgrunn, også t.d. menneske med nedsett funksjonsevne. Når det gjeld menneske med nedsett funksjonsevne, så forventar fylkeskommunen at selskapa har høg merksemd på det særlege ansvaret offentleg eigde verksemder har for å bidra til sosial berekraft gjennom inkludering i arbeidslivet, og at selskapa omtalar inkluderings- og tilretteleggingstiltak i rapporteringa til fylkeskommunen. Under punkt 2.3 om spesifikke forventningar til arbeid for menneskerettar: •respekterer-, og førebygger brot på, menneskerettane, både i eiga verksemd, og overfor/ved val av leverandørar og forretningspartnarar. Selskap som handlar med eller driv forretning med aktørar i konfliktområde, må vise respekt for, og unngå å bidra til eller støtte opp under brot på internasjonal humanitærrett og folkeretten generelt. Ei etterleving av dette krev at selskapa opptrer aktsamt, og følgjer med på gjeldande signal frå norske styresmakter