Strekningstiltak og punkttiltak på det lågtrafikkerte fylkesvegnettet - Prinsippsak

Saksprotokoll i Fylkesutvalet - 06.03.2024 1. Fylkestinget ber fylkesdirektøren leggje fram forslag til aktuelle strekningar for strekningsvise tiltak på det lågtrafikkerte vegnettet i RTP Investeringar til fylkestinget i juni 2024. Det skal leggjast vekt på tiltak på lokale hovudvegar (C-vegar), men det er også aktuelt med tiltak på strekningar med store driftsutfordringar. 2. Fylkestinget viser til den økonomiske situasjonen til fylkeskommunen, og legg til grunn at strekningstiltak vert prosjektreserve for eventuelle motkonjunkturtiltak / andre eksterne midlar som kan bli tilført fylkeskommunen. Det skal leggjast vekt på at tiltak kan gjennomførast på kort sikt. 3. Fylkestinget ber fylkesdirektøren leggje vekt på god samhandling med kommunane.Med sikte på å kunne realisere prosjekt raskt og effektivt. Prosjekt som inneberer samfinansiering med kommunar og/eller utbyggjarar, kan bli prioritert. 4. Strekningstiltak skal bli porteføljestyrt årleg gjennom RTP Investeringar, der behov for tiltak og modenheit av tiltak vert vesentlege.