Årsplan 2024 - Handlingsprogram regional plan for kultur

Saksprotokoll i Fylkesutvalet - 15.02.2024 1. Vestland fylkeskommune vedtek årsplan 2024, slik den går fram av vedlegg i saka, med slike endringar av tiltak slik dei framgår i punkt 5 i dette vedtaket. 2. Fylkesdirektøren får fullmakt til å innarbeide endringane i punkt 5 der det høver i vedlegget i saka. 3. Årsplan 2025 skal ha eit format som er litt enklare og meir hensiktsmessig for politisk styring. 4. Vestland fylkeskommune vedtek å rullere handlingsprogram for Regional plan for kultur i 2025. 5. Endringar/tillegg til vedlegg: Greie ut og ev. planlegge ei mogleg markering av Utvandrarjubileet i 2025 også i USA. Etablere fylkeskulturpris Evaluere den regionale effekten av, og vidareutvikle, distriktsmusikarordninga Styrke residensordningar for kunstnarar, herunder vurdere om ein bør etablere slike ordningar fleire stadar i Vestland. Vestland fylkeskommune skal gjennom 2024 avklare korleis fylkeskommunen kan bidra til å utvikle kulturtilbodet for unge i vidaregåande opplæring og i høgare utdanning, særleg med mål om å sikre inkludering og hindre utanforskap Regionale kulturvernorganisasjonar (36) støtte og bygge opp kulturfond gjennom involvering av kommunane/regionråda/næringslivet. Dette må prioriterast i handlingsplanen. Styrke samarbeidet med m.a. Vestland Idrettskrets, Olympiatoppen, Vestlandet e-sport, Vestland Innvandrarråd (37) Dette må prioriterast i handlingsplanen. 2.3.1 Stryke prioritet 106. Kritisk tenkning bør inngå som ein del av kunnskapsgrunnlag og strategi for kulturarenaer. Ikkje gjennom drifts- og prosjekttilskot som foreslått for 2024. Skal leggjast til der det passar i årsplanen: "Fylkeskommunen skal delta på pridemarkeringar som er viktige markeringar for skeiv kultur, mangfald og inkludering i fylket”. Nytt punkt under 1.1.1, rubrikk 1: Arbeide for realisering av eit formidlingssenter for Gulatinget og framveksten av demokratiet.