Tiltreding av bransjesamarbeid om digital tenesteutvikling

1. Fylkestinget vedtek at Vestland fylkeskommune saman med andre fylkeskommunar og kollektivselskap etablerer Kollektivkameratane AS. Føremålet er å nytte kompetanse og midlar meir effektivt for å nå felles målsettingar for framtidas digitale kundetenester. 2. Fylkestinget gir fylkesdirektøren fullmakt til å inngå aksjonæravtale om Kollektivkameratane AS, som sikrar eit balansert tilhøve mellom større og mindre eigarar, og i tråd med fylkeskommunen sine behov som medeigar. Vestland fylkeskommune vil vere nest største eigar. Intensjon om verknad frå 01.01.2024. 3. Årlege eigarmeldingar for aksjeselskapet vil bli lagt fram for fylkestinget. I tillegg til lovpålagt rapportering, skal selskapet rapportere årleg til fylkeskommunen om vesentlege leveransar og strategisk måloppnåing. Rapporten vert lagt fram for hovudutvalet for samferdsel og mobilitet. 4. Vestland fylkeskommune sitt innskot til aksjekapital er inntil sju mill. kr. Finansiering skjer gjennom omdisponering av fem mill. kr tilbakeført frå Ruter AS som følgje av oppløysing av OOSsamarbeidet «Kollektivkameratane», og to mill. kr som må takast over investeringsbudsjettet for 2024.