E134 Arm til Bergen - Høyringsfråsegn

1. Fylkestinget støttar Statens vegvesen si tilråding om å leggje til grunn konsept 1 Jøsendal–Odda–Jondal –Trengereid med trinnvis utbygging. 2. Fylkestinget støttar framlegget om at Vestland fylkeskommune, Statens vegvesen og Nye veier AS arbeidar fram ein vidare utbyggingsstrategi med trinnvis utbygging av strekninga. 3. Det vert lagt til grunn at fv. 49 held fram som fylkesveg inntil vidare, og at fylkeskommunen fullfører regulering og gjennomfører utbygging av dei to første store kritiske skredsikringstiltaka på fv. 49 (Steinsdalen-Eikedalen og Nordrepollen-Austrepollen). Fylkestinget legg til grunn at dersom det blir aktuelt å byggje ny bru over Hardangerfjorden må det gjerast som eit riksvegprosjekt. 4. Fylkestinget viser til at fv. 49 vil inngå som ein sentral korridor mellom Austlandet og Bergensområdet, og meiner at staten må ta eit delansvar for å finansiere skredsikringsprosjekta Steinsdalen-Eikedalen, Nordrepollen- Austrepollen, samt oppgradering av Folgefonntunnelen.