Utviding av den offentlege tannhelsetenesta og tilbod til grupper med rettar etter budsjettvedtak i Stortinget

Fylkestinget vedtar: 1. å sikre tannhelsetilbod til pasientgrupper med rettar etter budsjettvedtak i stortinget ved å gje fylkesdirektøren tilsvarande delegert mynde for dei med rettar i den offentlege tannhelsetenesta etter Tannhelsetenestelova. Delegasjonen er mellombels til endra Tannhelsetenestelov er tredd i kraft. Fylkestinget er klar på at ein ønskjer at dei utvida rettane skal gis i offentleg tannhelseteneste. 2.å vurdere utvida opningstid på enkelte tannklinikkar med turnusarbeid for tilsette, eventuelt opprette nye stillingar på ettermiddagar, for å kunne auke kapasiteten på ein raskare og meir berekraftig måte. 3.at pasientar 21-24 år som høyrer til tannklinikkar som ikkje har kapasitet til å ta inn gruppa kan sende inn refusjonskrav på nødvendig tannbehandling utført av privatpraktiserande tannhelsepersonell for ein mellombels periode fram til kapasiteten er tilstrekkeleg auka til å kunne gje dei eit tilbod ved offentleg tannklinikk. 4.at tannhelsetenesta legg fram overordna temaplan til fylkestinget siste halvdel av 2024. 5. Fylkesdirektøren går i dialog med studentsamskipnaden Saman om å sikre deira brukargruppe utvida rettar i tråd med Stortinget si intensjon, og kjem tilbake til fylkestinget med sak om korleis dette kan løysast. Dette gjeld særleg tannklinikken til Saman i Bergen.