Vurdering av vikarpool i opplæringssektoren i Vestland fylkeskommune

1. Fylkesdirektøren vil i samarbeid med tillitsvalde og skulane utarbeide ein rutine for vikartenestene ved skulane i Vestland fylke. Hovudmålet er å sikre elevane rett fagleg kompetanse til rett tid ved lærarfråvær. 2. Rutinen skal utformast slik at det kan takast omsyn til geografi og skulestorleik, samt lokale kompetanseutfordingar. Følgande punkt skal mellom anna inngå: - skulane har oversikt over tilsette i deltid som ønsker å auke stillinga si. Ved utlysing av stillingar skal det så langt råd er, takast grep som kan minke ufrivillig deltid ved skulen. - avdeling for opplæring og kompetanse legg til rette for auka samarbeid om vikarløysingar og erfaringsdeling skulane imellom. - avdeling for opplæring og kompetanse vert informert når skulane har omfattande vanskar med å skaffe vikar, og støtter skulane i desse sakene. 3. Fylkesdirektøren vil følge opp Visma inSchool med mål om å få utvikla rapportar som viser vikarbruk og -behov både på skule og fylkesnivå. 4. Fylkesdirektøren arbeider i tillegg vidare med moglege nettløysingar for vikartenester.