Økonomiplan 2027-2030/Årsbudsjett 2027 - tidsplan og prosess

1. Fylkestinget vedtek følgande tidsplan og prosess for arbeidet med Økonomiplan 2027- 2030/Årsbudsjett 2027 – med følgande endring i tidsplan 29. april:

«Fylkeskommunedirektøren gir status på politiske vedtak inkl. verbalforslag i hovudutvala».

2. Det blir lage ei oversikt over talet på tilsette i sentraladministrasjonen dei siste fire åra, brote ned på seksjonar/rammeområde per år. Oversikta, med forklaring av eventuelle omplasseringar, skal vere klar i god tid før fylkestinget i juni 2026.

3. Fylkestinget ber om at samferdselsutvalet får en oversikt over kostnader for kollektivtransport sett opp mot neste økonomiplanperiode for å kunne vurdere grep i rulleringa av handlingsplan for kollektivtransporten. Dette vil også legge premiss for årsbudsjett og økonomiplan 2027-2030.

Mona Cicilie Stormoen (Ap) fremma på vegne av Ap, H, MDG og SV følgjande alternativforslag: Endring i tidsplan 29. april: "Fylkeskommunedirektøren gir status på politiske vedtak inkl. verbalforslag i hovudutvala."

Marit Sletten (Sp) fremma på vegne av Ap, Sp, SV følgjande forslag til nytt punkt 3:

"Fylkestinget ber om at samferdselsutvalet får ei oversikt over kostnader for kollektivtransport sett opp mot neste økonomiplanperiode for å kunne vurdere grep i rulleringa av handlingsplan for kollektivtransporten. Dette vil også legge premiss for årsbudsjett og økonomiplan 2027-2030."

Mari Gjestvang (Sp) fremma på vegne av Sp og Sv følgjande forslag til nytt punkt 4 - budsjettfordelingsmodell: "Budsjettfordelingsmodellen for dei vidaregåande skulane i Innlandet fylkeskommune vart vedteke i fylkestinget i februar 2020 (PS 18/2020). Modellen viser korleis budsjettmidlar blir fordelte mellom dei vidaregåande skulane ut frå vekting av ulike kriterium og omsyn. Ved vedtaket i 2020 vart det vedteke at modellen skulle evaluerast etter kvart. Ulike omstende har imidlertid ført til at ei slik evaluering enno ikkje har funne stad. Fylkestinget ber difor om ei fylkestingssak med evaluering av budsjettfordelingsmodellen for dei vidaregåande skulane. I saka må det svares ut i kva grad modellen oppfyller intensjonen om eit kvalitativt og mest mogleg likeverdig utdanningstilbod i heile fylket, samfunnsmessige kompetansebehov, elevane sine ønskje, og om det er ei rimeleg avveging mellom omsynet til oppfyllingsgrad og omsynet til avstandar. Vidare bør saksutgreiinga samanlikne med tidlegare modellar i Hedmark og Oppland, samt modellar i andre fylke. Saka skal leggjast fram for fylkestinget i god tid før politisk behandling av årsbudsjettet for 2027."

• Forslag til nytt punkt 3 fremma av Sletten (Sp) vart samrøystes vedteke med 57 røyster.

• Forslag til nytt punkt 4 fremma av Gjestvang (Sp) falt mot 37 røyster (18 Ap, 9 H, 5 FrP, 2 MDG, 2 INP, 1 U). 20 røysta for (10 Sp, 3 SV, 2 PP, 2 R, 2 V, 1 KrF).

• Alternativforslag fremmet av Stormoen (Ap) vart samrøystes vedteke med 57 røyster.

• Innstillinga frå fylkesutvalet vart samrøystes vedteke med 57 røyster.